قالت سارة:
بمجرد عودة الرجال من الصلاة كان الاطفال قد استعدوا ولبسوا المايوهات، وكذلك انا ودينا واسراء.!!!
دخل عمر، ثم فوجئنا به حين رآنا يصرخ: حراميه ..
جاء باقي الرجال جريا على صوت عمر الذي دقق قليلا ثم قال: ايه ده بس؟ انا كنتوا حاتموتوني من الخضة، ضفادع بشرية في البيت ليه؟
احمد وهو يلتقط انفاسه: حرام عليكم اللي عملتوه فينا ده .. النينجا ترتلز في مارينا؟
اسراء: جرى ايه يا سي احمد، يعني احنا مالناش نفس ننزل الميه؟
ثم توالت التعليقات ..!!
طارق: ايه بدل الغوص دي؟ ايه يا دينا حاتفضحينا في وسط المايوهات بتاعت مارينا كده؟
والد سارة: ايه يا بنات الحاجه دي انا عمرى ما شفتها ..
فاصابنا الاحباط و كدنا نعود لنغير ملابسنا، حتى انقذنى احمد حبيبي: بص يا ابيه عمر في شاطىء خاص هنا للسيدات بس، ما بيخشوش ولا راجل، اسمه يشمك، واشتراكه حاجه بسيطه اوي، يعني الثلاث سلاحف دول كده حوالي الف و خمسميت جنيه ..
تنحنح بعدها عمر: تصدق هوه المايوه مش وحش يعني لو الواحد اتعود عليه؟(!!!)
وبعدين فيه ميزه برضه؛ مايوه و عوامه في نفس الوقت .. يالا بينا ننزل البحر ..!!
ونزلنا كلنا طابور كبير من البشر ومعنا الاطفال في طريقنا للبحر، وكان احمد هوه دليلنا حيث انه سبق له المجيء مع اصدقائه ..
سارة: ايه كم الاجانب اللي في مارينا دول يا عمر؟ الحمد لله السياحه بخير ..
عمر: ولو ان يعنى هدومهم فضايح، بس اهو دخل كويس للبلد ..
احمد: سياح ايه بس يا ناس؟ دول مصريين وعرب،انتم مش سامعين مارينا بتتكلم عربي اهيه ..
ثم دار حوار جانبى بين السيدات تعليقا على احدى الفتيات:
اسراء: يا خبر ابيض، ده حتى في دبي عندنا الاجانب بيحترموا تقاليد البلد عن كده، بكيني في الشارع كده؟؟
دينا: نفسي اعرف ايه الفرق بين المايوه البكيني والملابس الداخلية .. والست اللي لابسه بكيني وماشيه بيه في الشارع وفرحانه اوي لو دخل عليها حد وهي بالملابس الداخليه تلطم وتصوت ليه؟!! عجايب؟!!
سارة: بلاش غيبة ونميمه بقه، احنا مالنا .. ده احنا كمان لازم نغض البصر والله، يا للا ياللا ننزل مع الولاد الميه ..
وبعد قليل، ابتعد يحيى بعوامته قليلا عن المجموعة وسهت سارة عنه، ثم سمعوا جميعا صوته يصرخ .. انقلبت به العوامه واصبحت ساقاه في الهواء وراسه لاسفل .. صرخت سارة وحاولت التوجه له وكذلك فعل كل الرجال في البحر .. لكن احمد كان سباحا ممتازا، استغرق ثوان معدوده ليصل الى يحيى و يحمله خارج الماء محاولا تهدئته، حيث كان يحيى مذعورا لدرجة كبيرة .. وجرت سارة لتحمل يحيى وهي تقبل احمد وتبكى قائلة: ربنا يخليك يا خويا، ربنا يكرمك يا حبيبي ..
ثم تبعها عمر واخذ يحاول اخراج الماء الذي ابتلعه يحيى من جوفه وهو يقول: الحمد لله ربنا ستر .. الله يكرمك يا بو حميد، عرفنا قيمة وجود سباح في العيله ..
و منذ تلك اللحظه اصريت ان اعلم يحيى السباحة، و ايضا الرمايه وركوب الخيل، كوصية السلف ..
الحمد لله هدأ يحيى بعد وقت قصير، و نسي الموضوع وعاد ينزل مره اخرى للبحر .. لكن تلك المره لم يحاول الابتعاد عن والده وخاله ..
قال عمر:
الحمد لله ان يحيى رجع الميه تاني، انا كنت خايف يتعقد ولا حاجه .. وايام مارينا عدت بسرعة كبيرة، معظمها نزول البحر نهارا، وبالليل للاسف ما فيش غير القهاوي، لكن لقينا ملعب كورة قدم جميل اوي، واتعرفنا على بعض الشباب، و اصبحنا نلعب الكره ليلا .. و فوجئت مثلا مرة بمحمد فؤاد بيلعب معانا، ومرة تانية لقيت كابتن حسام حسن .. ايه النجوم دي كلها، يا نجومك يا مارينا .. بس كله بحسابه، كيلو العنب اللي في مصر باربعه جنيه هنا بخمستاشر .. وطبعا لو فكرت تاكل بره تبقى اكيد بتهزر، الحمد لله ان الستات عملوا حسابهم في موضوع الامن الغذائي ده ..
قالت سارة:
يا عينى على مصاريفك يا مارينا، نفطر فول وطعميه بخمسين جنيه؟ صحيح عددنا كبير، بس لو فكرنا نفطر كرواسون وجبنه شيدر حاندفع كام؟ ده غير لقينا الفيلا عليها مصاريف ميه و كهرباء سنة كاملة، وصيانة وزراعة الجنينه، وكان طبيعي نتطوع ندفع الحاجات دي عشان بابا حايدفع الايجار .. بس الحمد لله ادي الواحد شاف الدنيا، لاول واخر مره يا مارينا ..
قالت ام سارة:
هوا ايه اللي جايين نشمه ده؟ الحل الوحيد عشان نشم هوا اننا ما نخرجش من الفيلا .. لكن اول ما الليل يهل ما بنشمش غير الشيشه ودخان الشيشه .. وللاسف بالليل ما فيش فسحة غير القعاد ع القهاوي .. وحازم وطارق نازلين شد انفاس لما هرونا .. لكن احمد ابني، اصمله عليه، ادب ايه وكمال ايه، وكمان عمر ربنا يحميهم يا رب .. المفاجاه بقه إن البت دينا اخت عمر رخره جوزها اداها تشرب شيشه، يادي الكسوف .. وكله كوم وحساب القهاوي دي بقه كوم تاني خالص ..
ايه موضوع "مينيمـَم تشارج" ده؟ مين اللي اخترعه؟ يعني عشان اقعد اشرب شاي بس ما ينفعش، لازم طلباتي تكمل خمسة واربعين جنيه .. يا عم احنا متعشيين والحمد لله..! لا مافيش فايده لازم نطلب والا ندفع من غير ما نطلب ..
قال حازم:
ايه الناس دي؟ ايه الاسعار دي؟ ايه القصور دي؟ لما واحد يكون قصره الصيفي ثمنه خمسه مليون، امال بيته الحقيقى تمنه كام؟ يلزمني كام سنة في دبي عشان اجيب اوضه في مارينا؟ يا نهار ابيض ده الواحد ما كانش عارف حاجه خالص .. فاكر نفسه حيلم قرشين ويرجع بلده يحط رجل على رجل .. ده حتى عربيتي اللي انا فخور بيها اوي واللي لسه ما دفعتش جمركها، اللي اغلي منها بالمناسبه، ما تجيش تمن كاوتش عربيه راكبها عيل ماريناوي .. انا مش باحقد و الله، بس الناس دي بتجيب الفلوس منين؟
امال الناس اللي بتموت من الجوع وفي طوابير العيش وبتنتحر فقرا.! دي مراية العربية الهامر دي تأكل شارع بحاله .. لا واسعار الاكل هنا .. ولا يوم ما طارق بيه عزمنا ع الغدا، مطعم في وسط البحر، وانا كنت حاسس بمصيبه جاياله، بس تمنميت جنيه .. يا نهار، بس انا ماليش صالح بالحاجات دي .. هوه حر، انما انا جايب هدايا بالشيء الفلاني، وانا جاي من دبي .. ده حتى ما يرضيش ربنا لما ابعتر تعبي وشقايا كده على الاكل و الشرب ..
قال طارق:
والله احلى اسبوع الواحد قضاه من زمان .. ربنا يكرمك يا عمر يا اخو مراتي على الفسحه دي .. حتى العزومة اللي عزمتهالهم ما تجيش تمن ليلة واحده في اي حته فيكي يا مارينا .. والله انت واد مبخت يا طارق، لأ وايه الماء والهواء والوجه الحسن .. مش وجه بس، ده كله كله حسن ..
بس لو دينا تروح تلعب بعيد شوية .. كانت عايزاك وانت عازب مارينا دي يا طروق والله .. كانت فين دي؟ ياللا حناخد زماننا وزمن غيرنا؟!!
قال احمد:
مش تاعبني في مارينا دي الا موضوع غض البصر ده.!! يعني الواحد بيحاول والله على قد ما يقدر، لكن اللي البنات عاملينه ده اوفر (over) .. اخر حاجة الواحد بيكون بيتامل في جمال الشاطئ والطبيعة وفجاه يلاقي مصيبة سوده طلعاله من قلب الطبيعة .. ظاهرة طبيعية طالعة من البحر .. او صناعيه شويه، المهم انها ظاهره .. اه والله كلها ظاهره مافيش حاجه خالص مستخبيه .. وقال ايه كنا خايفين على طقم الضفادع البشرية اللي معانا لحسن حد يبصلهم .. دول ستات كمل والله العظيم .. يعني لو كل واحده لمت نفسها شويه، مش كانوا ساعدونا على موضوع غض البصر ده؟
بس ايه ده عمري ما شفت اخواتي فرحانين كده .. ما شاء الله زي ما يكونوا رجعوا اطفال تاني وبيلعبوا في الميه مع العيال الصغيرة .. احلى حاجه في الاجازه دي يحيى ومريم؛ و الله شعور الخال ده مختلف خالص .. انا كنت فاكر نفسي حازهق عشان متعود اكون مع صحابي في المصيف، لكن فعلا امتع حاجه اللمة والعيلة .. و ابقه اجي تاني مع صحابي برضه هااها ..
اهم حاجه حصلت بقه النهاردة اني شفت مروة هنا، انا من ساعة الامتحانات ومش باتكلم معاها الا كل فين وفين .. مره سالتني ع النتيجة ومرة تانية كانت بتهنيني عشان الاهلي خد الدوري ..
امبارح فوجئت بيها هي ومامتها بيتمشوا في الشانزلزيه، وقلبي رفرف كده شويه .. ما كنتش فاكرها وحشتني اوي كده .. وسلمت عليها وعلى مامتها .. باين عليها بتحبني والله، فرحت اوي لما شافتني .. ومامتها قالت لي اسلم على ماما واعزمها عندهم في الشاليه ..
------- تنويهات -------
1. الطابع الغالب على الرواية هو الطابع الملتزم، ولكن هناك بعض التجاوزات تظهر فيها كمثل التهاون في الإستماع إلى الموسيقى، وأيضاً ما ورد في هذه الحلقة من أنّ النساء لبسن "المايوه الشرعي" .. وهو عن الشرع بعيد أشدّ البعد .. فلست أدري كيف تبيح المرأة لنفسها أن تلبس لباساً تدخل فيه إلى الماء، فمهما كان هذا اللباس فضفاضاً فإنـّه سيلتصق بالجسم فور الخروج من الماء .. فالأصل بالمرأة المسلمة أن ترباً بنفسها عن مثل هذا .. وإن قالت المرأة بأنّ منع نفسها من هذا فيه تقييد لها ومنع لها من متع الدنيا فنقول: امنعي نفسكِ مما فيه معصية أو شبهة حتى تحظي بمتع الجنـّة كلـّها بإذن الله .. فالدنيا ليست لنا حتى تتوق أنفسنا لندخل البحر أمام ناظر الرجال والله المستعان ..
2. الظاهر من قول شخصيات الحلقة أنّ المنطقة التي ذهبوا إليها فيها من العري الكثير مما يسبب الفتنة ويصعب على المرء أن يغضّ بصره حتى كما ذكرت شخصيـّة أحمد، والأصل بالمسلم أن ينأى بنفسه عن مثل هذه الفتن، فهو إن عصى الله أو سبـّب لغيره أن يعصي الله بسبب تواجده في هذه المناطق فهو غير معذور لأنـّه وضع نفسه في موضع فتنة والله المستعان .. ومرّة أخرى إن كانت الشواطئ كلـّها فيها مثل هذا العريّ فالأصل فينا أن لا نذهب إلى هناك أصلاً كي نحظى بمتع الجنـّة بإذن الله ولا نضيـّعها لأجل متع لحظيـّة ..
3. شخصيـّة "مروة" المذكورة في آخر الحلقة هي الفتاة التي ذكر "أحمد" بأنـّه يودّ خطبتها .. فالأصل بالمسلم إن أراد الزواج أن يعقد العزم ويخبر أهله لخطبتها من أهلها قبل التجاوز في أيّ شيء .. وقد ذكر أهل العلم أنّ الحديث في الهاتف مع من يودّ المرء خطبتها لا ينبغي دون متابعةٍ من محرم كي لا يحصل ما لا يراد من تعلـّق القلوب، وحتى الحديث في الهاتف لا يجوز أن يكون متكرراً كثيراً فالغرض منه التعرّف الجزئي .. فقبل العقد قد تتعلـّق القلوب ببعضها ومن ثم لا يكون الزواج، فتبقى الغصـّة في القلب وقد تجلب ما لا يحمد عقباه .. فوجب التنبيه والله المستعان.
بمجرد عودة الرجال من الصلاة كان الاطفال قد استعدوا ولبسوا المايوهات، وكذلك انا ودينا واسراء.!!!
دخل عمر، ثم فوجئنا به حين رآنا يصرخ: حراميه ..
جاء باقي الرجال جريا على صوت عمر الذي دقق قليلا ثم قال: ايه ده بس؟ انا كنتوا حاتموتوني من الخضة، ضفادع بشرية في البيت ليه؟
احمد وهو يلتقط انفاسه: حرام عليكم اللي عملتوه فينا ده .. النينجا ترتلز في مارينا؟
اسراء: جرى ايه يا سي احمد، يعني احنا مالناش نفس ننزل الميه؟
ثم توالت التعليقات ..!!
طارق: ايه بدل الغوص دي؟ ايه يا دينا حاتفضحينا في وسط المايوهات بتاعت مارينا كده؟
والد سارة: ايه يا بنات الحاجه دي انا عمرى ما شفتها ..
فاصابنا الاحباط و كدنا نعود لنغير ملابسنا، حتى انقذنى احمد حبيبي: بص يا ابيه عمر في شاطىء خاص هنا للسيدات بس، ما بيخشوش ولا راجل، اسمه يشمك، واشتراكه حاجه بسيطه اوي، يعني الثلاث سلاحف دول كده حوالي الف و خمسميت جنيه ..
تنحنح بعدها عمر: تصدق هوه المايوه مش وحش يعني لو الواحد اتعود عليه؟(!!!)
وبعدين فيه ميزه برضه؛ مايوه و عوامه في نفس الوقت .. يالا بينا ننزل البحر ..!!
ونزلنا كلنا طابور كبير من البشر ومعنا الاطفال في طريقنا للبحر، وكان احمد هوه دليلنا حيث انه سبق له المجيء مع اصدقائه ..
سارة: ايه كم الاجانب اللي في مارينا دول يا عمر؟ الحمد لله السياحه بخير ..
عمر: ولو ان يعنى هدومهم فضايح، بس اهو دخل كويس للبلد ..
احمد: سياح ايه بس يا ناس؟ دول مصريين وعرب،انتم مش سامعين مارينا بتتكلم عربي اهيه ..
ثم دار حوار جانبى بين السيدات تعليقا على احدى الفتيات:
اسراء: يا خبر ابيض، ده حتى في دبي عندنا الاجانب بيحترموا تقاليد البلد عن كده، بكيني في الشارع كده؟؟
دينا: نفسي اعرف ايه الفرق بين المايوه البكيني والملابس الداخلية .. والست اللي لابسه بكيني وماشيه بيه في الشارع وفرحانه اوي لو دخل عليها حد وهي بالملابس الداخليه تلطم وتصوت ليه؟!! عجايب؟!!
سارة: بلاش غيبة ونميمه بقه، احنا مالنا .. ده احنا كمان لازم نغض البصر والله، يا للا ياللا ننزل مع الولاد الميه ..
وبعد قليل، ابتعد يحيى بعوامته قليلا عن المجموعة وسهت سارة عنه، ثم سمعوا جميعا صوته يصرخ .. انقلبت به العوامه واصبحت ساقاه في الهواء وراسه لاسفل .. صرخت سارة وحاولت التوجه له وكذلك فعل كل الرجال في البحر .. لكن احمد كان سباحا ممتازا، استغرق ثوان معدوده ليصل الى يحيى و يحمله خارج الماء محاولا تهدئته، حيث كان يحيى مذعورا لدرجة كبيرة .. وجرت سارة لتحمل يحيى وهي تقبل احمد وتبكى قائلة: ربنا يخليك يا خويا، ربنا يكرمك يا حبيبي ..
ثم تبعها عمر واخذ يحاول اخراج الماء الذي ابتلعه يحيى من جوفه وهو يقول: الحمد لله ربنا ستر .. الله يكرمك يا بو حميد، عرفنا قيمة وجود سباح في العيله ..
و منذ تلك اللحظه اصريت ان اعلم يحيى السباحة، و ايضا الرمايه وركوب الخيل، كوصية السلف ..
الحمد لله هدأ يحيى بعد وقت قصير، و نسي الموضوع وعاد ينزل مره اخرى للبحر .. لكن تلك المره لم يحاول الابتعاد عن والده وخاله ..
قال عمر:
الحمد لله ان يحيى رجع الميه تاني، انا كنت خايف يتعقد ولا حاجه .. وايام مارينا عدت بسرعة كبيرة، معظمها نزول البحر نهارا، وبالليل للاسف ما فيش غير القهاوي، لكن لقينا ملعب كورة قدم جميل اوي، واتعرفنا على بعض الشباب، و اصبحنا نلعب الكره ليلا .. و فوجئت مثلا مرة بمحمد فؤاد بيلعب معانا، ومرة تانية لقيت كابتن حسام حسن .. ايه النجوم دي كلها، يا نجومك يا مارينا .. بس كله بحسابه، كيلو العنب اللي في مصر باربعه جنيه هنا بخمستاشر .. وطبعا لو فكرت تاكل بره تبقى اكيد بتهزر، الحمد لله ان الستات عملوا حسابهم في موضوع الامن الغذائي ده ..
قالت سارة:
يا عينى على مصاريفك يا مارينا، نفطر فول وطعميه بخمسين جنيه؟ صحيح عددنا كبير، بس لو فكرنا نفطر كرواسون وجبنه شيدر حاندفع كام؟ ده غير لقينا الفيلا عليها مصاريف ميه و كهرباء سنة كاملة، وصيانة وزراعة الجنينه، وكان طبيعي نتطوع ندفع الحاجات دي عشان بابا حايدفع الايجار .. بس الحمد لله ادي الواحد شاف الدنيا، لاول واخر مره يا مارينا ..
قالت ام سارة:
هوا ايه اللي جايين نشمه ده؟ الحل الوحيد عشان نشم هوا اننا ما نخرجش من الفيلا .. لكن اول ما الليل يهل ما بنشمش غير الشيشه ودخان الشيشه .. وللاسف بالليل ما فيش فسحة غير القعاد ع القهاوي .. وحازم وطارق نازلين شد انفاس لما هرونا .. لكن احمد ابني، اصمله عليه، ادب ايه وكمال ايه، وكمان عمر ربنا يحميهم يا رب .. المفاجاه بقه إن البت دينا اخت عمر رخره جوزها اداها تشرب شيشه، يادي الكسوف .. وكله كوم وحساب القهاوي دي بقه كوم تاني خالص ..
ايه موضوع "مينيمـَم تشارج" ده؟ مين اللي اخترعه؟ يعني عشان اقعد اشرب شاي بس ما ينفعش، لازم طلباتي تكمل خمسة واربعين جنيه .. يا عم احنا متعشيين والحمد لله..! لا مافيش فايده لازم نطلب والا ندفع من غير ما نطلب ..
قال حازم:
ايه الناس دي؟ ايه الاسعار دي؟ ايه القصور دي؟ لما واحد يكون قصره الصيفي ثمنه خمسه مليون، امال بيته الحقيقى تمنه كام؟ يلزمني كام سنة في دبي عشان اجيب اوضه في مارينا؟ يا نهار ابيض ده الواحد ما كانش عارف حاجه خالص .. فاكر نفسه حيلم قرشين ويرجع بلده يحط رجل على رجل .. ده حتى عربيتي اللي انا فخور بيها اوي واللي لسه ما دفعتش جمركها، اللي اغلي منها بالمناسبه، ما تجيش تمن كاوتش عربيه راكبها عيل ماريناوي .. انا مش باحقد و الله، بس الناس دي بتجيب الفلوس منين؟
امال الناس اللي بتموت من الجوع وفي طوابير العيش وبتنتحر فقرا.! دي مراية العربية الهامر دي تأكل شارع بحاله .. لا واسعار الاكل هنا .. ولا يوم ما طارق بيه عزمنا ع الغدا، مطعم في وسط البحر، وانا كنت حاسس بمصيبه جاياله، بس تمنميت جنيه .. يا نهار، بس انا ماليش صالح بالحاجات دي .. هوه حر، انما انا جايب هدايا بالشيء الفلاني، وانا جاي من دبي .. ده حتى ما يرضيش ربنا لما ابعتر تعبي وشقايا كده على الاكل و الشرب ..
قال طارق:
والله احلى اسبوع الواحد قضاه من زمان .. ربنا يكرمك يا عمر يا اخو مراتي على الفسحه دي .. حتى العزومة اللي عزمتهالهم ما تجيش تمن ليلة واحده في اي حته فيكي يا مارينا .. والله انت واد مبخت يا طارق، لأ وايه الماء والهواء والوجه الحسن .. مش وجه بس، ده كله كله حسن ..
بس لو دينا تروح تلعب بعيد شوية .. كانت عايزاك وانت عازب مارينا دي يا طروق والله .. كانت فين دي؟ ياللا حناخد زماننا وزمن غيرنا؟!!
قال احمد:
مش تاعبني في مارينا دي الا موضوع غض البصر ده.!! يعني الواحد بيحاول والله على قد ما يقدر، لكن اللي البنات عاملينه ده اوفر (over) .. اخر حاجة الواحد بيكون بيتامل في جمال الشاطئ والطبيعة وفجاه يلاقي مصيبة سوده طلعاله من قلب الطبيعة .. ظاهرة طبيعية طالعة من البحر .. او صناعيه شويه، المهم انها ظاهره .. اه والله كلها ظاهره مافيش حاجه خالص مستخبيه .. وقال ايه كنا خايفين على طقم الضفادع البشرية اللي معانا لحسن حد يبصلهم .. دول ستات كمل والله العظيم .. يعني لو كل واحده لمت نفسها شويه، مش كانوا ساعدونا على موضوع غض البصر ده؟
بس ايه ده عمري ما شفت اخواتي فرحانين كده .. ما شاء الله زي ما يكونوا رجعوا اطفال تاني وبيلعبوا في الميه مع العيال الصغيرة .. احلى حاجه في الاجازه دي يحيى ومريم؛ و الله شعور الخال ده مختلف خالص .. انا كنت فاكر نفسي حازهق عشان متعود اكون مع صحابي في المصيف، لكن فعلا امتع حاجه اللمة والعيلة .. و ابقه اجي تاني مع صحابي برضه هااها ..
اهم حاجه حصلت بقه النهاردة اني شفت مروة هنا، انا من ساعة الامتحانات ومش باتكلم معاها الا كل فين وفين .. مره سالتني ع النتيجة ومرة تانية كانت بتهنيني عشان الاهلي خد الدوري ..
امبارح فوجئت بيها هي ومامتها بيتمشوا في الشانزلزيه، وقلبي رفرف كده شويه .. ما كنتش فاكرها وحشتني اوي كده .. وسلمت عليها وعلى مامتها .. باين عليها بتحبني والله، فرحت اوي لما شافتني .. ومامتها قالت لي اسلم على ماما واعزمها عندهم في الشاليه ..
------- تنويهات -------
1. الطابع الغالب على الرواية هو الطابع الملتزم، ولكن هناك بعض التجاوزات تظهر فيها كمثل التهاون في الإستماع إلى الموسيقى، وأيضاً ما ورد في هذه الحلقة من أنّ النساء لبسن "المايوه الشرعي" .. وهو عن الشرع بعيد أشدّ البعد .. فلست أدري كيف تبيح المرأة لنفسها أن تلبس لباساً تدخل فيه إلى الماء، فمهما كان هذا اللباس فضفاضاً فإنـّه سيلتصق بالجسم فور الخروج من الماء .. فالأصل بالمرأة المسلمة أن ترباً بنفسها عن مثل هذا .. وإن قالت المرأة بأنّ منع نفسها من هذا فيه تقييد لها ومنع لها من متع الدنيا فنقول: امنعي نفسكِ مما فيه معصية أو شبهة حتى تحظي بمتع الجنـّة كلـّها بإذن الله .. فالدنيا ليست لنا حتى تتوق أنفسنا لندخل البحر أمام ناظر الرجال والله المستعان ..
2. الظاهر من قول شخصيات الحلقة أنّ المنطقة التي ذهبوا إليها فيها من العري الكثير مما يسبب الفتنة ويصعب على المرء أن يغضّ بصره حتى كما ذكرت شخصيـّة أحمد، والأصل بالمسلم أن ينأى بنفسه عن مثل هذه الفتن، فهو إن عصى الله أو سبـّب لغيره أن يعصي الله بسبب تواجده في هذه المناطق فهو غير معذور لأنـّه وضع نفسه في موضع فتنة والله المستعان .. ومرّة أخرى إن كانت الشواطئ كلـّها فيها مثل هذا العريّ فالأصل فينا أن لا نذهب إلى هناك أصلاً كي نحظى بمتع الجنـّة بإذن الله ولا نضيـّعها لأجل متع لحظيـّة ..
3. شخصيـّة "مروة" المذكورة في آخر الحلقة هي الفتاة التي ذكر "أحمد" بأنـّه يودّ خطبتها .. فالأصل بالمسلم إن أراد الزواج أن يعقد العزم ويخبر أهله لخطبتها من أهلها قبل التجاوز في أيّ شيء .. وقد ذكر أهل العلم أنّ الحديث في الهاتف مع من يودّ المرء خطبتها لا ينبغي دون متابعةٍ من محرم كي لا يحصل ما لا يراد من تعلـّق القلوب، وحتى الحديث في الهاتف لا يجوز أن يكون متكرراً كثيراً فالغرض منه التعرّف الجزئي .. فقبل العقد قد تتعلـّق القلوب ببعضها ومن ثم لا يكون الزواج، فتبقى الغصـّة في القلب وقد تجلب ما لا يحمد عقباه .. فوجب التنبيه والله المستعان.
0 التعليقات:
إرسال تعليق